عطر كوكو مودموزيل من شانيل

بسم الله الرحمن الرحيم

تدوينة اليوم عن عطر :

كوكو مودموزيل من شانيل

coco mademoiselle

 by chanel

وصف للعطر من احد المواقع :

و يحتوي  في مقدمته على روائح أزهار البرتقال واليوسفي والخوخ والياسمين والأزهار البلغارية

وأما في قلب العطر فيحتوي على رائحة الميموزا والقرنفل وزهرة البرتقال وزهرة البرسيم

أما خاتمة العطر وقاعدته فتحتوي على العنبر وخشب الصندل والتونكا ونبات المر والفانيليا

وظهر في عام ٢٠٠١

رأيي الشخصي مع العطر :

العطر من العطور الراقية والمميزة

أعتبرة من اروع العطور اللي جربتها

لان بجد له ريحة مميزة

استخدمة أكثر شي في المناسبات

لانه مو من العطور اللي ممكن مع الوقت تطير او تخف ريحتها

لا بالعكس ثباتها جدا ممتاز وفوق هذا فواح بختين منه تكفيك ويضل ماسك لفترة

حتى لو كنت بجمعة كبيرة مثلا زواج مرات العطور مع الاختلاط تلاقيها تختفي

لكن كوكو اروح المناسبة وارجع يضل ايام ماسكه ريحته في الدولاب

مهما وصفته ماراح اوفيه حقة بجد يستحق الاقتناء

وانصح فيه كل عروسة بانه يكون عطر ليلة زفافها

العطر له مجموعة تتكون من صابون وبخاخ للشعر ولوشن وو

بالنسبة لي ماجربتها واكتفيت بالعطر

أشتريتة من محل دبنهامز فرع النور في المدينة المنورة

بسعر 450 ريال

وكان 50 ml

ونوعة eau de parfume

ومتواجد كمان في قزاز ووجوة وفافافوم

هذا شكل العطر مع الكرتون لاني كنت رامية الكرتونة

دمتم في حفظ الرحمن

كولكشن الأكوا من ماك || mac cosmetics alluring aquatic collection

بسم الله الرحمن الرحيم

اقدم لكم تقرير كامل و مفصل عن : كولكشن الأكوا من ماك

mac cosmetics alluring aquatic collection

صورة للكولكشن كامل من النت

أما الكولكشن السابق كان هذا

 maleficent

برضو الصورة من النت

والكولكشن القادم حيكون

marge simpsons

والصورة من النت

نرجع لمحور حديثنا عن كولكشن الأكوا

بالنسبة ليا حبيته وحبيت فيه الشكل الخارجي للعلب

لونها وثأثير قطرات المويا عليه أعطته جمال

وكمان الوان الشدوهات والبرونز حبيتها كثير

بالنسبة ليا رحت اخذتها من 5 ايام تقريبا

ولما سالت البائعة كم له نازل قالت من اسبوع

يعني تقريبا نازل في نص شهر رمضان

وهذي كانت مشترياتي

صورتها ونزلت مباشرة من الكام بدون اي تاثير او فلاش

حتى أحاول ابين لكم الالوان الاصلية

نبدا اول شي بالشدوهات

نازل منه 6 شدوهات كلها كانت حلوة وكلها بلمعة ولمعتها واضحة

اللي ماتحب الشدوهات الشيمرية ماراح تناسبها

وهذي صورة لشدوهات من النت

بصراحة حبيتهم كلهم

بس رشحت لنفسي منهم 3 الوان

وهذا سواتش لهم

اذا حابة اللون يطلع معاك واضح وقوي بخي فكس ماك ع الفرشة واستخدمية

بالنسبة لي اخذت اللون lorelei و silver sun

اما اللون الذهبي فكان مخلص

حبيتهم وحبيت لمعتهم ناعمة مره

وسعر الواحد كان بـ 112 ريال

ثاني حاجة البلاشرات

نزل منها بلاشرين

برضو حبيتهم كلهم والوانها حلوه

وهذا سواتش لهم من النت

حصلت بس بلاشر واحد وهو seduced at sea

اما الثاني فكان مخلص

حبيت اللون جدا هادي وخفيف

وكان سعره 146 ريال

ثالثا البرونز هما نوعين النوع الاول نزل منه لونين

الاثنين كانو متوفرين بصراحة كان الفرق بينهم شي بسيط

ومافيهم اي لمعة كلهم مات

وهذا سواتش لهم

بس وقع الاختيار على aphodites shell

حبيت ملمسة نااااعم وتندمج ع البشرة بسلاسة

وسعره كان بـ 167 ريال

وهذا النوع الثاني

واحد كان بقليتر ذهبي وواحد للاسف كان طايح ومكسور وماقدرت اتعرف علية

لكن حبيت اللي بقليتر لمعته حلوه والقليتر مو واضح مره لا يعطيك لمعة مره حلوه

بصراحة الباودر خفيفة وممكن تتكسر بسهولة يبغاله محافظة

وسعره كان 145 ريال

اما الارواج نزل 5 الوان

 بصراحة ما حبيت الا واحد

وهذا سواتش للالوان

  حبيت لون mystical

سواتش اوضح للون

بس للاسف اغلبها مخلصة

واخذت enchanted one

وهذا سواتش اوضح له

بصراحة مو ميولي مثل الالوان هذي بس تجربة جديدة لي

وسعره كان بـ 111

هذي كانت اختيارتي من الكولكشن

من ماك فرع الراشد في المدينة المنورة

ونكمل الان البقية

سادسا القلوسات

كانت 5 الوان ونفس الأرواج تقريبا

سابعا اقلام كحل ومحددات الشفايف

ثامنا المناكير

واخيرا 

شنطة وفرشتين

اتمنى اكون وفقت في الطرح

ولا تنسوني من صالح دعواتكم

ودمتم في حفظ الرحمن

مجموعة ازهار الكرز والخوخ من فكتوريا سيكريت

بسم الله الرحمن الرحيم

LOVE SPELL

VICTORA'S SECRET

المجموعة تتكون من :

شاور جل

سبراي معطر للجسم

لوشن للجسم

وشنطة أنيقة

المجموعة كلها 125 ml

وصناعتها امريكية

برائحة أزهار الكرز والخوخ

منعشة تنفع للصيف

وريحتها واضحة مررره وفواحة

حبيت الشاور جل اكثر شي

السبراي ما استخدمة مباشرة ع البشرة بكل صراحة

مو مره حبيت الريحة لان مو من مودي روائح الكرز

بس اذا كنت تحبي الكرز انصحك فيها لان فعلا الريحة ريحة كرز واضحة

يعني مو مشابهه او مقارب لها زي بعض المنتجات

وكمان أشوف تنفع للبنات في سن المراهقة

تختلف الناس من ذوق لذوق

وتنفع المجموعة ك هدية كمان

الشنطة اللي جاية معاها حبيتها كثير واستفدت منها

وعجبتني جودتها

وهذي صور اوضح لها

سعر المجموعة كان ب 150

ودمتم في حفظ الرحمن

مجموعة عزل من نعومي

بسم الله الرحمن الرحيم

مجموعة عطر غزل من نعومي

المجموعة تحتوي على :

 عطر غزل

40 ml

eau de toilette

+

لوشن من نفس الرائحة 

75 ml

+

شاور جل 

75 ml

ماصورتة للاسف لانه خلص ورميت العلبة لكن نفس اللوشن بالضبط

المجموعة كانت بـ 199 ريال كلها صناعة فرنسية

حبيتها وحبيت الريحة واغلب عطور نعومي تروق لي

كثير يعتبروها من الروائح المثيرة وخاصة للمتزوجين

لكن اكيد الناس تختلف وتخلتف الأذواق كمان

لكن العطر مو ثابت وأكيد من نوعة راح تعرفي انه مو ثابت

يعني خفيف وهادي

البودرة ما كانت من نفس المجموعة أنا اضفتها

كان سعرها 55 ريال

فيها نفس الريحة مع قليتر ذهبي حبيتها كثير

وصناعتها صينية

المجموعة تنفع كمان هدايا اذا حبيتي تقدميها هدية

اتمنى أكون أفدتكم 

ودمتم في حفظ الرحمن

benefit ooh la lift

بسم الله الرحمن الرحيم

اليوم حابة اتكم عن منتج من ماركة بينفت

اسمه

ooh la lift

هذي صورة له من الموقع

من وصف المنتج في موقعهم بانه يحتوي على مقتطفات من التوت

وانه يساعد على اشراق العين

ويعمل على انعكاس الضوء

أما رائي الشخصي مع المنتج :

بصراحة هوا ما كان ع البال ابدا

كنت مارة بينفت قبل مدة بصراحة وشفته عندهم

وحبيت اخذه واجربه خصوصا اني من عشاق الماركة واثق فيها

والان باقي في العلبة ربع الكمية وحبيت اكتب لكم تجربتي 

هوا مثل الاضاءة تحطيها تحت العيون

المطلوب منه انه ينو لك المنطقة ويعطيها الاشراق

حبيته وحبيت النتيجة اللي يعطيني اياها

أحس يعطي انعكاس خفيف حلو

لونه مو وردي صريح

لا بالعكس احسه صدفي وحلو

كيف استخدمه ؟

لك الخيار يا تستخدمية لوحدة بدون اي شي قبلة 

او بعد ماتحطي الميك اب

بالنسبة لرائي الشخصي اتوقع ماينفع للي عندها هالاات وحبت تحطه مباشرة

لان احس ممكن يبرزها لك اكثر

لكن حبيت استخدمة كلمسة نهائية بعد الميك اب

طريقتة سهلة جدا 

تحطي منه ثلاث نقط وبالاصبع تتطبطبي حتى ينمج معاك

وهذا سواتش له من النت

اتوقع ما راح تلاحظي تغيير كبير لان اللي في الصورة حطتة قبل كل شي

بس اذا استخدمتية بعد الكونسيلر يكون له تاثير أوضح من كذا

كمان حابة اوضح شغلة المنتج من الداخل مو ثقيل زي الصورة من موقعهم

لا اخف مثل السواتش بالضبط

العلبة بلاستيك ممكن يبان انها زجاج بس لانه بلمعه

7.0 g

صناعة امريكة

سعر المنتج في موقعهم 22 دولار

بنات المدينة تلاقو بينفت في محل وجوة في النور

أتمنى أكون أفدتكم

ودمتم في حفظ الرحمن